Dortmundning «Borussiya» klubi hujumchisi Erling Xoland Tumanli Albionga ketishga yaqin turibdi. Manbaga ko‘ra, norvegiyalik futbolchi «Manchester Siti»ga o‘tadi. Shu sabab «asalarilar» Erlingga o‘rinbosar qidirishni boshlab yubordi.
Sport1.de nashriga malum bo‘lishicha, Bundesligada o‘ynash tajribasiga ega bo‘lgan «Real» hujumchisi Luka Yоvich «Borussiya»ning qiziqishlar doirasiga tushib qolgan. Futbolchi oldinroq Frankfurtning «Ayntraxt» klubida o‘ynagan va u yerdagi yaxshi o‘yinlari sabab Madrid grandi safiga o‘tgandi.
Manbaning ta’kidlashicha, serb doimiy o‘yin amaliyoti uchun «Borussiya»ga o‘tishga qarshi emas. Ma’lumot o‘rnida, joriy mavsumda Yovich madridliklar safida 13 ta o‘yinda maydonga tushib, 1 ta gol urgan.
