Дортмунднинг «Боруссия» клуби ҳужумчиси Эрлинг Холанд Туманли Альбионга кетишга яқин турибди. Манбага кўра, норвегиялик футболчи «Манчестер Сити»га ўтади. Шу сабаб «асаларилар» Эрлингга ўринбосар қидиришни бошлаб юборди.

Sport1.de нашрига маълум бўлишича, Бундеслигада ўйнаш тажрибасига эга бўлган «Реал» ҳужумчиси Лука Йович «Боруссия»нинг қизиқишлар доирасига тушиб қолган. Футболчи олдинроқ Франкфуртнинг «Айнтрахт» клубида ўйнаган ва у ердаги яхши ўйинлари сабаб Мадрид гранди сафига ўтганди.

Манбанинг таъкидлашича, серб доимий ўйин амалиёти учун «Боруссия»га ўтишга қарши эмас. Маълумот ўрнида, жорий мавсумда Йович мадридликлар сафида 13 та ўйинда майдонга тушиб, 1 та гол урган.