Madridning «Atletiko» klubi bosh murabbiyi Diyego Simeone Chempionlar ligasiga yo‘llanmani qo‘lga kirita olmasa, jamoani tark etishi mumkin. Argentinalik murabbiyning shartnomasida shunday band bor. Unga ko‘ra, agar uning qo‘l ostida jamoa La Liganing kuchli 4 taligiga kira olmasa, jamoa bosh murabbiyligidan ketishi mumkin.
Mundo Deportivo xabariga ko‘ra, agar «Atletiko» kuchli to‘rtlikdan tashqarida qolsa, ikkala tomon ham ushbu shartnomani qayta ko‘rib chiqishlari kerak. Bu degani, yo Simeonening maoshi sezilarli darajada kamayishi yoki shartnoma bekor qilinishi mumkin. Ayni damda «Atletiko» murabbiyi dunyodagi eng ko‘p maosh oluvchi murabbiy hisoblanadi.
Madrid klubi Ispaniya chempionati turnir jadvalida mavsum tugashiga 4 tur qolganda eng yaqin ta’qibchisi – «Betis»ni uch ochkoga ortda qoldirib, to‘rtinchi o‘rinda bormoqda.
