Мадриднинг «Атлетико» клуби бош мураббийи Диего Симеоне Чемпионлар лигасига йўлланмани қўлга кирита олмаса, жамоани тарк этиши мумкин. Аргентиналик мураббийнинг шартномасида шундай банд бор. Унга кўра, агар унинг қўл остида жамоа Ла Лиганинг кучли 4 талигига кира олмаса, жамоа бош мураббийлигидан кетиши мумкин.
Mundo Deportivo хабарига кўра, агар «Атлетико» кучли тўртликдан ташқарида қолса, иккала томон ҳам ушбу шартномани қайта кўриб чиқишлари керак. Бу дегани, ё Симеоненинг маоши сезиларли даражада камайиши ёки шартнома бекор қилиниши мумкин. Айни дамда «Атлетико» мураббийи дунёдаги энг кўп маош олувчи мураббий ҳисобланади.
Мадрид клуби Испания чемпионати турнир жадвалида мавсум тугашига 4 тур қолганда энг яқин таъқибчиси – «Бетис»ни уч очкога ортда қолдириб, тўртинчи ўринда бормоқда.
