«Reynjers» «Yuventus»dan yarim himoyachi Aaron Remzini to‘liq sotib olmaslikka qaror qildi. Corriere dello Sport xabariga ko‘ra, uelslik futbolchi yozda Turin jamoasiga qaytadi.
Avvalroq «keksa sinyora» rahbariyati 31 yoshli yarim himoyachi bilan xayrlashishni rejalashtirayotgani haqida xabar berilgandi. Uning klub bilan shartnomasi 2023 yilgacha mo‘ljallangan.
Aaron Remzi joriy mavsumda «Reynjers» safida barcha turnirlarda 9 ta o‘yinda maydonga tushib, 2 ta gol va bitta golli uzatmani amalga oshirdi.
Trasnfermarkt futbolchining narxini 5 million yevroga baholamoqda.
