«PSJ» hujumchisi Neymar yaqin orada Romario va Krishtianu Ronalduning natijasini takrorlashi mumkin. Har ikki futbolchi ham faoliyati davomida uchta turli klubda 100dan ko‘proq gol urishga muvaffaq bo‘lgan.

Romario buni «Vasko de Gama», PSV va «Flamengo» safida, Ronaldu esa «Yuventus», «Real Madrid» va «Manchester Yunayted»da amalga oshirgan.

Neymar «Santos»da o‘ynagan vaqtida porlagan va keyin «Barselona» safida 105 ta gol urgan. Ayni damda «PSJ»da to‘p surayotgan braziliyalik futbolchiga Ronaldu va Romarioning natijasini takrorlash uchun ikki gol yetarli bo‘ladi.

Joriy mavsumda Neymar Fransiya chempionatida 20ta o‘yin o‘tkazib, 11ta gol va 6ta golli uzatmani amalga oshirdi.