«Chelsi» va «Manchester Siti» «Vest Xem» yarim himoyachisi Deklan Raysni sotib olish fikridan voz kechdi. Har ikki klub ham futbolchining narxidan qoniqmayapti.
«Chelsi» bosh murabbiyi Tomas Tuxel yozgi transfer oynasida asosiy e’tiborni himoyaviy o‘yinchilarni sotib olishga qaratadi, deb xabar beradi ESPN. Himoyachilar Antonio Ryudiger va Andreas Kristensen mavsum oxirida jamoani tark etishadi.
«Manchester Siti» o‘tgan mavsumda yarim himoyachi Jek Grilish uchun xuddi shunday mablag‘ ajratganini inobatga olsak, Raysni sotib olish uchun 100 million yevrodan ko‘proq pul sarflashga tayyor emas.
Shu tariqa, Rays uchun kurashda «Manchester Yunayted» yetakchiligicha qolmoqda.
«Vest Xem» futbolchisi joriy mavsumda APLda 33 ta o‘yinda maydonga tushib, 1 ta gol va 4 ta golga assistentlik qildi.
