«Челси» ва «Манчестер Сити» «Вест Хэм» ярим ҳимоячиси Деклан Райсни сотиб олиш фикридан воз кечди. Ҳар икки клуб ҳам футболчининг нархидан қониқмаяпти.

«Челси» бош мураббийи Томас Тухель ёзги трансфер ойнасида асосий эътиборни ҳимоявий ўйинчиларни сотиб олишга қаратади, деб хабар беради ESPN. Ҳимоячилар Антонио Рюдигер ва Андреас Кристенсен мавсум охирида жамоани тарк этишади.

«Манчестер Сити» ўтган мавсумда ярим ҳимоячи Жек Грилиш учун худди шундай маблағ ажратганини инобатга олсак, Райсни сотиб олиш учун 100 миллион евродан кўпроқ пул сарфлашга тайёр эмас.

Шу тариқа, Райс учун курашда «Манчестер Юнайтед» етакчилигича қолмоқда.

«Вест Хэм» футболчиси жорий мавсумда АПЛда 33 та ўйинда майдонга тушиб, 1 та гол ва 4 та голга ассистентлик қилди.