"Liverpul" himoyachisi Virjil Van Deyk YECHL yarim finalidan o‘rin olgan "Vilyarreal"ga qarshi javob o‘yinidan so‘ng (3:2) o‘z fikrlari bilan o‘rtoqlashdi.
"Finalda kim bilan o‘ynashimiz muhim emas. Nima bo‘lsa ham bu juda qiyin sinov bo‘ladi. Biz "Siti"ni juda yaxshi bilamiz, ular ham bizni kuchimizdan xabardor. "Real" bu "Real". Ularda hozir dunyoning eng kuchli hujumchisi bor. Ko‘ramiz, natija qanday bo‘lar ekan", - dedi Van Deyk.
Eslatib o‘tamiz, tomonlar o‘rtasidagi dastlabki o‘yin 2:0 hisobida "qizillar" foydasiga hal bo‘lgan edi.
