«Aston Villa» rahbarlari braziliyalik yarim himoyachi Filippe Koutinyoni sotib olish zarurligiga shubha bilan qarashmoqda.
Mundo Deportivo xabariga ko‘ra, 29 yoshli braziliyalik futbolchi Angliya chempionatining so‘nggi olti o‘yinida gol ura olmagani bois klub rahbarlari Koutinyoni «Barselona»dan sotib olish maqsadga muvofiq emas deb o‘ylamoqda. Eslatib o‘tamiz, braziliyalik futbolchi Birmingem klubida ijara shartnomasi asosida o‘ynaydi.
Filippe Koutinyo joriy mavsumda «Aston Villa» safida 14 ta o‘yinda maydonga tushib, 4 ta gol va 3 ta golli uzatmaga mualliflik qilgan.
