"Bavariya" "Ayaks" himoyachisi Nussair Mazraui bilan shartnomaning barcha shartlarini kelishib oldi, deb xabar beradi Bild.

Manbaning xabariga ko‘ra, futbolchi allaqachon Myunxen klubi uchun tibbiy ko‘rikdan o‘tgan va mavsum yakunida jamoa safiga qo‘shiladi. Nemis klubidagi futbolchining maoshi yiliga 8 million yevroni tashkil qiladi. Transfer yaqin kunlarda e’lon qilinishi kutilmoqda.

Joriy mavsumda himoyachi “Ayaks” safida barcha turnirlarda 33 ta o‘yinda maydonga tushib, 5 ta gol urdi va 4 ta golli uzatmani amalga oshirdi.