"Бавария" "Аякс" ҳимоячиси Нуссаир Мазрауи билан шартноманинг барча шартларини келишиб олди, деб хабар беради Bild.

Манбанинг хабарига кўра, футболчи аллақачон Мюнхен клуби учун тиббий кўрикдан ўтган ва мавсум якунида жамоа сафига қўшилади. Немис клубидаги футболчининг маоши йилига 8 миллион еврони ташкил қилади. Трансфер яқин кунларда эълон қилиниши кутилмоқда.

Жорий мавсумда ҳимоячи “Аякс” сафида барча турнирларда 33 та ўйинда майдонга тушиб, 5 та гол урди ва 4 та голли узатмани амалга оширди.