Superliga 7-tur doirasidan o‘rin olgan “Surxon” - “Qo‘qon-1912” uchrashuvi ertaga Toshkent shahrida bo‘lib o‘tadi. “Surxon” jamoasining Termiz shahridagi stadionida ta’mirlash ishlari davom etayotganligi sababli bu jamoa uy uchrashuvlarini Toshkent shahrida o‘tkazmoqda. Mazkur bahs oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
Bu jamoalar shu paytga qadar chempionat doirasida 22 marta to‘qnash kelishgan.
“Surxon” o‘yinlarning 9 tasida zafar quchgan, 11 ta bahsda qo‘qonliklar qo‘li baland kelgan. Ikkita uchrashuvda durang natija qayd etilgan.
To‘plar nisbati – 36-33, "Qo‘qon-1912" foydasiga. O‘zaro o‘yinlarda “Surxon” 29 ochkoni qo‘lga kiritgan. “Qo‘qon-1912” ochkosi 35 tani tashkil etadi.
Jamoalarning o‘zaro o‘tkazgan barcha uchrashuvlari:
25.08.2021 "Qo‘qon-1912" - "Surxon" - 2:0
20.03.2021. Surxon – Qo‘qon-1912 – 1:1
19.10.2020. Surxon – Qo‘qon-1912 – 0:1
25.06.2020. Qo‘qon-1912 – Surxon – 3:0
17.08.2019. Qo‘qon-1912 – Surxon – 2:1
25.05.2019. Surxon – Qo‘qon-1912 – 2:1
27.10.2003 Qo‘qon 1912 - Surxon - 4:1
23.03.2003 Surxon - Qo‘qon 1912 - 2:1
11.08.2002 Surxon - Qo‘qon 1912 - 3:1
22.06.2002 Qo‘qon 1912 - Surxon - 3:1
27.09.2000 Temiryo‘lchi - Surxon - 2:3
22.04.2000 Surxon - Temiryo‘lchi - 1:0
21.08.1999 Temiryo‘lchi – Surxon - 0:5
01.06.1999 Surxon - Temiryo‘lchi - 2:3
19.08.1998 Temiryo‘lchi – Surxon - 3:2
13.06.1998 Surxon – Temiryo‘lchi - 0:2
05.08.1995 ASK – Temiryo‘lchi - 3:1
25.06.1995 Temiryo‘lchi – ASK - 0:2
06.11.1994 ASK – Temiryo‘lchi - 3:1
24.04.1994 Temiryo‘lchi – ASK - 2:0
03.10.1992 Surxon - Temiryo‘lchi - 1:1
07.05.1992 Temiryo‘lchi - Surxon - 2:0
Fakt: Ushbu jamoalarning 1992 yili Termizda bo‘lib o‘tgan uchrashuvida durang natija qayd etilgan. Ikkinchi durang natija esa oradan 29 yil o‘tgach, 2021 yilda qayd etildi.
Uchrashuv hakamlari
O‘zPFL superliganing 7-turida ishlaydigan rasmiylar ro‘yxatini e’lon qildi. Unga ko‘ra Surxon – Qo‘qon-1912 jamoalari o‘rtasidagi bahsni Viktor Serazitdinov boshchiligidagi hakamlar guruhi boshqarib boradi. Uchrashuvda VAR tizimidan foydalanilmaydi.
SURXON – QO‘QON-1912
Hakamlar: Viktor Serazitdinov, Bektursin Kannazarov, Damir Iskanderov, Lochin Dolimov
Nazoratchi: Bobur Haydarov
Komissar: Laziz Qo‘chqorov
Boshlanish vaqtlari
Superliganing navbatdagi tur uchrashuvini "Qo‘qon-1912" jamoasi safarda Termizning “Surxon” jamoasiga qarshi o‘tkazadi.
Bu uchrashuv ertaga, 6 may kuni Toshkentdagi ”Lokomotiv” stadionida, soat 18:30da boshlanadi.
