"Milan" hujumchisi Zlatan Ibrahimovich AQSHga qaytishi haqidagi mish-mishlarga izoh berdi.

40 yoshli shved yana MLSga o‘tishi mumkinligini inkor etmayapti, ammo qaysi jamoada o‘ynashiga aniqlik kiritmayapti.

"Ehtimol, qaytishi mumkin, ammo qaysi klub ekandigi noma’lum. Balki, u yerda o‘z klubim bo‘lar. Qayerga borsam ham o‘sha yerda men boshliq bo‘laman, shuning uchun bu borada hech narsa o‘zgarmaydi”, - deydi futbolchi.

Ibrahimovich Devid Bekxemga tegishli "Inter Mayami"ga o‘tishi mumkin. Mashhur hujumchining “Milan” bilan shartnomasi shu yozda tugaydi.

Zlatan joriy mavsum “rossonerilar” safida 25 ta o‘yinda maydonga tushib, 8 ta gol urdi.