"Милан" ҳужумчиси Златан Ибраҳимович АҚШга қайтиши ҳақидаги миш-мишларга изоҳ берди.
40 ёшли швед яна МЛСга ўтиши мумкинлигини инкор этмаяпти, аммо қайси жамоада ўйнашига аниқлик киритмаяпти.
"Эҳтимол, қайтиши мумкин, аммо қайси клуб экандиги номаълум. Балки, у ерда ўз клубим бўлар. Қаерга борсам ҳам ўша ерда мен бошлиқ бўламан, шунинг учун бу борада ҳеч нарса ўзгармайди”, - дейди футболчи.
Ибраҳимович Дэвид Бекхэмга тегишли "Интер Майами"га ўтиши мумкин. Машҳур ҳужумчининг “Милан” билан шартномаси шу ёзда тугайди.
Златан жорий мавсум “россонерилар” сафида 25 та ўйинда майдонга тушиб, 8 та гол урди.