Leverkuzenning “Bayer” klubi yarim himoyachisi Mussa Diabiga bir qator ingliz klublari qiziqish bildirmoqda. The Sun xabariga ko‘ra, fransiyalik futbolchiga "Nyukasl", "Manchester Yunayted" va Londonning "Arsenal" klublari qiziqish bildirmoqda.
Bu mavsum Diabining professional faoliyatidagi eng yaxshisi bo‘ldi. Yarim himoyachi Germaniya chempionatida 12 ta gol urib, 11 ta golli uzatmani amalga oshirdi va Yevropa grandlarining etiboriga tushdi.
Eslatib o‘tamiz, Mussa Diabi "PSJ" tarbiyalanuvchisi hisoblanadi. Avvalroq, fransuz klubi yozgi transfer oynasida sobiq futbolchisini qaytarish niyatida ekani haqida xabarlar tarqalgan edi.
