Леверкузеннинг “Байер” клуби ярим ҳимоячиси Мусса Диабига бир қатор инглиз клублари қизиқиш билдирмоқда. The Sun хабарига кўра, франциялик футболчига "Ньюкасл", "Манчестер Юнайтед" ва Лондоннинг "Арсенал" клублари қизиқиш билдирмоқда.
Бу мавсум Диабининг профессионал фаолиятидаги энг яхшиси бўлди. Ярим ҳимоячи Германия чемпионатида 12 та гол уриб, 11 та голли узатмани амалга оширди ва Европа грандларининг этиборига тушди.
Эслатиб ўтамиз, Мусса Диаби "ПСЖ" тарбияланувчиси ҳисобланади. Аввалроқ, француз клуби ёзги трансфер ойнасида собиқ футболчисини қайтариш ниятида экани ҳақида хабарлар тарқалган эди.