"Manchester Siti" bosh murabbiyi Pep Gvardiola uning boshchiligidagi jamoa Chempionlar ligasida g‘alaba qozona olmasligini tan oldi.

"Chempionlar ligasida g‘alaba qozona olamizmi? Bu savolga menda javob yo‘q. Bilmayman. Futbolni oldindan aytib bo‘lmaydi, buni jamoamiz ko‘p marta ko‘rgan. Shayx Mansur Chempionlar ligasida g‘alabasiz qolish uchun bu klubni sotib olib, sarmoya kiritmagan. Bularning barchasi kubok uchun kurashish uchun qilingan. Biz Chempionlar ligasida g‘alaba qozonishni xohlaymiz, lekin buni uddalay olamizmi, buni hech kim bilmaydi.

Hamma futbolchilar yoki Gvardiola Chempionlar ligasida g‘alaba qozona olmagani uchun muvaffaqiyatsizlikka uchraganini aytmoqda, lekin men bunga qo‘shilmayman. Men doimo eslashim kerakki, Premyer-liga, Angliya kubogi, Liga kubogi bor, biz barcha turnirlarda oxirigacha kurashamiz. Mendan hech qachon aniq unvon so‘ralmagan.

Men "Liverpul" va "Real"ni tabriklayman, ikkala klub ham finalga chiqishga loyiq. Keyingi mavsumda u yerga borishga harakat qilamiz. Agar keyingi yil ishlamasa, bir yildan keyin yana urinib ko‘ramiz. Men Chempionlar ligasida g‘alaba qozonishni xohlayman, ammo buning uchun Madriddagi voqealardan keyin o‘zimizni yaxshilashimiz kerak. Biz Chempionlar ligasida g‘alaba qozonishni xohlaymiz, lekin men buni uddalay oladigan jamoani qurish uchun yetarli emasman. Kim g‘alaba qozonsa, bunga loyiq, "Real" buni uddaladi, ammo biz buni qila olmadik", - dedi Gvardiola APL doirasida "Nyukasl"ga qarshi bo‘lib o‘tadigan o‘yindan oldidan o‘tkazilgan matbuot anjumanida.