"Манчестер Сити" бош мураббийи Пеп Гвардиола унинг бошчилигидаги жамоа Чемпионлар лигасида ғалаба қозона олмаслигини тан олди.
"Чемпионлар лигасида ғалаба қозона оламизми? Бу саволга менда жавоб йўқ. Билмайман. Футболни олдиндан айтиб бўлмайди, буни жамоамиз кўп марта кўрган. Шайх Мансур Чемпионлар лигасида ғалабасиз қолиш учун бу клубни сотиб олиб, сармоя киритмаган. Буларнинг барчаси кубок учун курашиш учун қилинган. Биз Чемпионлар лигасида ғалаба қозонишни хоҳлаймиз, лекин буни уддалай оламизми, буни ҳеч ким билмайди.
Ҳамма футболчилар ёки Гвардиола Чемпионлар лигасида ғалаба қозона олмагани учун муваффақиятсизликка учраганини айтмоқда, лекин мен бунга қўшилмайман. Мен доимо эслашим керакки, Премьер-лига, Англия кубоги, Лига кубоги бор, биз барча турнирларда охиригача курашамиз. Мендан ҳеч қачон аниқ унвон сўралмаган.
Мен "Ливерпуль" ва "Реал"ни табриклайман, иккала клуб ҳам финалга чиқишга лойиқ. Кейинги мавсумда у ерга боришга ҳаракат қиламиз. Агар кейинги йил ишламаса, бир йилдан кейин яна уриниб кўрамиз. Мен Чемпионлар лигасида ғалаба қозонишни хоҳлайман, аммо бунинг учун Мадриддаги воқеалардан кейин ўзимизни яхшилашимиз керак. Биз Чемпионлар лигасида ғалаба қозонишни хоҳлаймиз, лекин мен буни уддалай оладиган жамоани қуриш учун етарли эмасман. Ким ғалаба қозонса, бунга лойиқ, "Реал" буни уддалади, аммо биз буни қила олмадик", - деди Гвардиола АПЛ доирасида "Ньюкасл"га қарши бўлиб ўтадиган ўйиндан олдидан ўтказилган матбуот анжуманида.
