A Seriya 36-turidan o‘rin olgan uchrashuvda "Inter" o‘z maydonida "Empoli"ni qabul qildi. Bahs mezbonlarning 4:2 hisobidagi g‘alabasi bilan yakunlandi.
Dastlab "Empoli" vakillari Piamonti va Aslani tomonidan kiritilgan gollar evaziga hisobda oldinga chiqib olishgan edi, biroq 1-taym yakunigacha "nerradzurilar" Romanyoli tomonidan kiritilgan avtogol va Lautaro kiritgan to‘p evaziga tablodagi natijani tenglashtirib qo‘yishdi.
2-bo‘limda yana o‘sha Lautaro gol urib, mezbonlarni hisobda oldinga olib chiqdi. Hakam tomonidan o‘yinga qo‘shib berilgan daqiqalarda Aleksis Sanches yakuniy natijani o‘rnatdi - 4:2.
A Seriya, 36-tur
6 may, 22:00
"Inter" - "Empoli" - 4:2
Gollar: 0:1 – 5 Pinamonti, 0:2 – 28 Aslani, 1:2 – 40, avtogol Romanyoli, 2:2 – 45 Martines, 3:2 – 64 Martines, 4:2 – 90 Sanches.
Inter – Xandanovich, Dumfris (Darmian, 77), de Vrey, Shkrinyar, Dimarko (D`Ambrozio, 70), Perishich, Brozovich, Chalxanoglu (Vidal, 70), Barella, Korrea (Sanches, 82), Martines (Djeko, 70).
Empoli – Vikario, Fyamossi (Benassi, 78), Romanyoli, Luperto, Parizi, Shtulas (Ismayli, 69), Bandinelli, Jurkovski (Xenderson, 61), Aslani, Bayrami (Di Franchesko, 61; Kutrone, 68), Pinamonti.
Ogohlantirish: Martines (65).
