"Atletiko Madrid" bosh murabbiyi Diyego Simeone "Real"ni La Ligadagi 35-chempionligi bilan tabrikladi. Argentinalik murabbiy "qaymoqranglilar" juda kuchli jamoa ekanligini ta’kidladi.
“Real Madridni chempionlik bilan tabriklamoqchiman. Men ularning futbolchilarini, murabbiylar shtabi va boshqa xodimlarini ham qutlayman. Ular juda kuchli jamoa ekanliklarini isbotlashdi. Endi ularga qarshi o‘ynash ayniqsa qiziqarli bo‘ladi", - dedi Simeone matbuot anjumanida.
Eslatib o‘tamiz, ertaga "Vanda Metropolitano"da "Real" va "Atletiko Madrid" o‘rtasidagi Madrid derbisi bo‘lib o‘tadi. Manbaga ko‘ra, "matraschilar" hamshahari uchun chempionlik yo‘lagini tashkil qilishlari mumkin.
