"Liverpul" hujumchisi Roberto Firmino jamoasining bugungi Londonning "Tottenxem" klubiga qarshi o‘yinida maydonga qaytishi mumkin. "Liverpul" bosh murabbiyi Yurgen Klopp o‘yin oldidan futbolchining holatiga baho beradi, shundan so‘ng uning ishtiroki haqida qaror qabul qiladi.

Eslatib o‘tamiz, Firmino jarohati tufayli uzoq muddatga safdan chiqdi. Kecha braziliyalik hujumchi umumiy guruhdagi mashg‘ulotlarni qaytgani ma’lum bo‘ldi.

Firmino 2015 yilning yozida Germaniyaning "Xoffenxaym" jamoasidan 40 million yevro evaziga "Liverpul"ga o‘tgan edi. Jarohat oldidan braziliyalik asosiy tarkibdagi barqaror o‘yin ko‘rsatib kelayotgan edi.