«Liverpul»ning sobiq hujumchisi Piter Krauchning fikricha, "qizillar"ning endi chempionlik uchun kurashdagi imkoniyati ancha kamayib ketdi.

«Liverpul» peshqadamga aylanib olish imkoniyatini yo‘qotdimi? Ha deyishim kerak. Bu ikki klub o‘rnatgan daraja bizga kamdan-kam yutqazishini yoki durang o‘ynashini ko‘rsatadi. Shunday ekan, «Manchester Siti» har bir o‘yinda g‘alaba qozonishda davom etishini kutish mumkin” - dedi Krouch Daily Mail bilan suhbatda.

Uning fikricha, «Tottenxem» bilan o‘yinda (1:1) bunday natijani kutish mumkin edi. Chunki, "shporlar" juda yaxshi himoyaga ega, qo‘shimchasiga ularning oldida har qanday klubga muammo tug‘diradigan uchta futbolchi bor.

7 may kuni «Liverpul» «Tottenxem» bilan durang o‘ynadi (1:1) va ochkolar soni bo‘yicha «Manchester Siti» bilan tenglashib qoldi (har birida 83 ta), ammo «shaharliklar»ning zaxirasida bitta o‘yin bor.