"Real Madrid" yozda "Rayo Valyekano"da o‘ynayotgan o‘z tarbiyalanuvchisi - himoyachi Fran Garsiyani ortga qaytarishi mumkin. Fabrisio Romanoning so‘zlariga ko‘ra, "asalarilar" mavsum oxirida futbolchini 5 million yevroga to‘liq sotib olish imkoniyatiga ega, ammo "Real Madrid" futbolchini ortga qaytarishni istamoqda.
Fran Garsiyaning kelajagi bo‘yicha yakuniy qaror hali qabul qilingani yo‘q. Rahbariyat bosh murabbiy Karlo Anchelotti bilan birgalikda keyingi ikki hafta ichida vaziyatni ko‘rib chiqadi.
Joriy mavsumda 22 yoshli Fran Garsiya “Rayo Valyekano” safida 23 o‘yinda maydonga tushib, bitta gol urdi.