Kecha "Liverpul" juda qiyin bahsda "Tottenxem" bilan durang o‘ynadi - 1:1.
Ammo Klopp jamoasi uchun bu durangni mag‘lubiyatdan unchalik farq qilmas natijaga yo‘yish mumkin. Chunki, "qizillar" chempionlik uchun kurash poygasining eng muhim pallasida ochko yo‘qotishdi. Endi "Liverpul" ochkolar bo‘yicha "Man Siti"ga tenglashib oldi, lekin bir o‘yin ko‘proq o‘tkazishgan. Chempionlik taqdiri allaqachon Gvardiolaning qo‘lida. Ammo endi bu ustunlik yanada ishonchliroq bo‘lishi mumkin: bugun «Siti» «Nyukasl»ni mag‘lub etib, jamoa allaqachon uch ochkoga raqibidan oldinga chiqib ketdi.
• Bu voqealarga asosiy sababchi sifatida "Man Siti" Antonio Kontening "Tottenxem" jamoasiga minnatdorchilik bildirishi kerak. Kecha "shporlar" "Enfild"da ajoyib o‘yin ko‘rsatdi va hatto g‘alaba qozonishi ham mumkin edi - ammo Pyer-Emil Xyoybyergga butun o‘yin davomida omad kulib boqmadi: birinchi bo‘limda daniyalik futbolchi raqib darvozaboniga ancha qiyinchilik tug‘dirdi. Ammo buning foydasi bo‘lgani yo‘q.
• Jamoadoshining omadsizligi Son Xyon Minning harakatlariga ham soya soldi. Garchi koreyalik o‘yinda gol urgan bo‘lsa-da, bundanda foydali harakatlar qila olishi mumkin edi. Umuman olganda, Son joriy mavsumda allaqachon 20 ta gol urgan. Bu borada Salohga yetib olish uchun atigi ikkita gol qolgan. Shu bilan birga misrlik futbolchi gollarining beshtasini penaltidan urgan. Sonda esa umuman bunaqa bonus yo‘qligini ham alohida ta’kidlash kerak.
To‘pni olishlari bilan "shporlar" uni Keynga berishadi, u esa Sonni qiyinchiliklarsiz topib oladi. Bu ikkala futbolchi bir-birlarini shu qadar yaxshi tushunishadiki, hujum qanday rivojlanishini oldindan his qilib turishingiz mumkin. Bu xuddi navigator o‘rnatilgan telefonga o‘xshaydi, u oyog‘iga to‘p tushishi bilan Sonni topib oladi. Bu hayratlanarli", - deydi Klopp o‘yindan oldin koreysni maqtab, biroq nemis mutaxassisiga yordam bermadi.
• "Liverpul" Premyer-ligada 13 uchrashuvdan buyon ilk bor o‘z uyida g‘alaba qozona olmadi. Jamoa oxirgi marta 30 oktabr kuni “Enfild”da “Brayton”ga qarshi o‘yinda (2:2) ochko yo‘qotgan edi. O‘shandan beri Klopp shogirdlari ketma-ket 12 ta g‘alabaga erishib, umumiy 35:2 hisobidagi to‘plar farqini yuzaga keltirishgan.
• «Liverpul»ning 6 o‘yindan iborat g‘alabali seriyasi tugadi. Klopp shogirdlari Premyer-ligada so‘nggi bor 10 aprel kuni «Siti»ga qarshi o‘yinda g‘alaba qozona olmagan, dekabr oxirida «Lester»ga yutqazgan edi.
"Vilyarreal" ustidan qozonilgan g‘alabadan so‘ng, "Liverpul" muxlislari va futbolchilari bu mavsumda birinchi marta to‘rtta sovrin haqida gapirishni boshlab yuborishdi, ularda bunga bo‘lgan ishonch oshib ketdi. Biroq oradan uch kun o‘tar o‘tmas kvadrupl haqidagi o‘ylar puchga chiqmoqda. Biroq shoshilishga hali erta.
«Siti» va «Liverpul»ning taqvimi taxminan teng: ikkalasi ham «Vulvz» va «Aston Villa» bilan o‘ynashlari kerak. Ammo Pepni yana bir sinov kutmoqda - Moyesning "Vest Xem"i.
Ehtimol, mo‘’jiza hali ham mumkindir?
