“Zalsburg” hujumchisi Karim Adeyemi faoliyatini Germaniyada davom ettirishi mumkin, deya xabar berdi jurnalist Fabrisio Romano.
Manbaga ko‘ra, "Borussiya Dortmund" o‘zini 20 yoshli nemis futbolchini qo‘lga kiritishda favorit deb hisoblamoqda.
Qayd etilishicha, nemis klubi futbolchi bilan og‘zaki kelishuvga erishgan va tez orada hujumchi bilan shartnoma imzolaydi. "Zalsburg" Adeyemi uchun 38 million yevro oladi.
Karim joriy mavsumda barcha musobaqalarda 42 ta o‘yinda maydonga tushib, 23 ta gol urdi va 8 ta golli uzatmani amalga oshirdi. Transfermarkt portali futbolchining narxini 35 million yevroga baholamoqda.
