“Зальцбург” ҳужумчиси Карим Адейеми фаолиятини Германияда давом эттириши мумкин, дея хабар берди журналист Фабрицио Романо.
Манбага кўра, "Боруссия Дортмунд" ўзини 20 ёшли немис футболчини қўлга киритишда фаворит деб ҳисобламоқда.
Қайд этилишича, немис клуби футболчи билан оғзаки келишувга эришган ва тез орада ҳужумчи билан шартнома имзолайди. "Зальцбург" Адейеми учун 38 миллион евро олади.
Карим жорий мавсумда барча мусобақаларда 42 та ўйинда майдонга тушиб, 23 та гол урди ва 8 та голли узатмани амалга оширди. Трансфермаркт портали футболчининг нархини 35 миллион еврога баҳоламоқда.
