Dortmundning "Borussiya" klubi hujumchisi Erling Xoland klubga mavsum oxirida jamoani tark etishini aytdi, deb xabar beradi Sky Germany.
Manbaga ko‘ra, 21 yoshli futbolchining shartnomasidagi tovon puli 75 million yevro va "Manchester Siti" undan foydalanishga tayyor.
Avvalroq, jurnalist Nikolo Skira "Siti" yaqin kunlarda Xoland transferini e’lon qilishini aytgandi.
Norvegiyalikning "asalarilar" bilan amaldagi shartnomasi 2024 yilning yoziga qadar mo‘ljallangan. Transfermarkt.com portali futbolchining narxini 150 million yevroga baholamoqda.