Дортмунднинг "Боруссия" клуби ҳужумчиси Эрлинг Холанд клубга мавсум охирида жамоани тарк этишини айтди, деб хабар беради Sky Germany.
Манбага кўра, 21 ёшли футболчининг шартномасидаги товон пули 75 миллион евро ва "Манчестер Сити" ундан фойдаланишга тайёр.
Аввалроқ, журналист Николо Скира "Сити" яқин кунларда Холанд трансферини эълон қилишини айтганди.
Норвегияликнинг "асаларилар" билан амалдаги шартномаси 2024 йилнинг ёзига қадар мўлжалланган. Transfermarkt.com портали футболчининг нархини 150 миллион еврога баҳоламоқда.