"Chelsi" "Sevilya" himoyachisi Jyul Kundeni sotib olishga yana bir urinib ko‘radi. Klubga yangi rahbariyatning kelishi, bu transferni amalga oshishiga zamin yaratishi mumkin.
Ispaniya matbuoti xabariga ko‘ra, "Chelsi" vakillari allaqachon futbolchining agenti bilan bog‘lanishgan. “Sevilya” futbolchini 60 million yevro evaziga qo‘yib yuborishga tayyor ekanligi aytilmoqda. "Sevilya" oxirgi paytlarda biroz yomon o‘yin ko‘rsatmoqda, ammo shunga qaramay himoyachining o‘yini xaridorlarda yaxshi taassurot qoldirmoqda.
Ma’lumot o‘rnida, joriy mavsumda futbolchi La Ligada 29 ta o‘yin o‘tkazib, 2 ta gol va 1 ta golli uzatmani amalga oshirdi.
