Lautaro Martinesning agenti Alexandro Kamano hujumchi yozda "Inter"ni tark etish niyati yo‘qligini aytdi.
“Ba’zan ommaviy axborot vositalarida taxminiy transferlar haqidagi xabarlar paydo bo‘ladi, ulardan ba’zilari haqiqat. Ammo Lautaro bor e’tiborini “Inter”da o‘ynashga qaratgan. U boshqa klubga o‘tish variantlarini ko‘rib chiqmaydi. Milanda unga hamma narsa mos keladi", - deya Kamanoning so‘zlaridan iqtibos keltirgan Football Italia.
Joriy mavsumda 24 yoshli hujumchi "nerradzurrilar" safida 46 ta o‘yinda maydonga tushib, 23 ta gol urdi va 3 ta golga assistentlik qildi.
