Лаутаро Мартинеснинг агенти Алехандро Камано ҳужумчи ёзда "Интер"ни тарк этиш нияти йўқлигини айтди.
“Баъзан оммавий ахборот воситаларида тахминий трансферлар ҳақидаги хабарлар пайдо бўлади, улардан баъзилари ҳақиқат. Аммо Лаутаро бор эътиборини “Интер”да ўйнашга қаратган. У бошқа клубга ўтиш вариантларини кўриб чиқмайди. Миланда унга ҳамма нарса мос келади", - дея Каманонинг сўзларидан иқтибос келтирган Football Italia.
Жорий мавсумда 24 ёшли ҳужумчи "неррадзуррилар" сафида 46 та ўйинда майдонга тушиб, 23 та гол урди ва 3 та голга ассистентлик қилди.
