"Arsenal" hujumchisi Edvard Nketia yozgi transferlar vaqtida jamoani tark etishi mumkin. Daily Mail xabariga ko‘ra, 22 yoshli hujumchiga asosiy da’vogar "Vest Xem" bo‘lib turibdi.
Nketianing "Arsenal" bilan shartnomasi 2021/2022 yilgi mavsum oxirigacha amal qiladi. "Bolg‘achilar" Edvard "kanonirlar" bilan shartnomani uzaytirish bo‘yicha muzokara o‘tkaza olmasa, uni erkin agent sifatida qo‘lga kiritishga harakat qilmoqchi.
22 yoshli hujumchi joriy mavsumda “Arsenal” safida barcha turnirlarda 23 ta o‘yinda maydonga tushdi. U yettita gol urdi va bitta golli uzatmani amalga oshirdi.
