"Арсенал" ҳужумчиси Эдвард Нкетиа ёзги трансферлар вақтида жамоани тарк этиши мумкин. Daily Mail хабарига кўра, 22 ёшли ҳужумчига асосий даъвогар "Вест Хэм" бўлиб турибди.
Нкетианинг "Арсенал" билан шартномаси 2021/2022 йилги мавсум охиригача амал қилади. "Болғачилар" Эдвард "канонирлар" билан шартномани узайтириш бўйича музокара ўтказа олмаса, уни эркин агент сифатида қўлга киритишга ҳаракат қилмоқчи.
22 ёшли ҳужумчи жорий мавсумда “Арсенал” сафида барча турнирларда 23 та ўйинда майдонга тушди. У еттита гол урди ва битта голли узатмани амалга оширди.
