"Barselona" bosh murabbiyi Xavi Ernandes La liganing 36-turi doirasida «Selta»ga qarshi bo‘lib o‘tgan o‘yin (3:1) borasida o‘z fikrini bildirib o‘tdi.

«Ehtimol, biz bundan ortig‘iga munosib bo‘lmagandirmiz. Birinchi bo‘limda unchalik yaxshi harakat qila olmadik. Biz yaxshiroq o‘ynashimiz kerak. Buni o‘yin talab qiladi.

Bizga ko‘proq sabr kerak va to‘pni nazoratda yaxshiroq ushlashimiz zarur. Raqib bir kishi kam bo‘lib qolganida ishimiz yengillashdi. Tarkiblar teng bo‘lib turganida esa bizga to‘p nazorat qilish bo‘yicha intizom yetishmadi, ayniqsa, birinchi bo‘limda.

Taktikani o‘zgartirishga harakat qildik, 3 himoyachi bilan o‘ynay boshladik. Bu sxema ustida kam mashg‘ulot o‘tkazganmiz. O‘zimizni yaxshi his qilmaganimiz uchun sxemani yana o‘zgartirdik», – dedi «Barselona» bosh murabbiyi.