“Yuventus” klubining tajribali himoyachisi Jorjo Kyellini “Inter” bilan Italiya Kubogi doirasida bo‘lib o‘tadigan final uchrashuvi haqida fikr bildirdi.
Kyellinining ta’kidlashicha, mavsumni qiyin boshlaganidan keyin turinliklar muvaffaqiyatga yordam beradigan xarakter va shaxsiyatga ega. Himoyachi "Yuventus" o‘zi ishtirok etayotgan barcha turnirlarda g‘alaba qozonishga harakat qilayotganini ta’kidladi. Kyellinining fikricha, Italiya Kubogida g‘alaba qozonish jamoaga ishonch bo‘ladi.
Eslatib o‘tamiz, "Yuventus" va "Inter" o‘rtasidagi Italiya kubogi final uchrashuvi bugun tunda Toshkent vaqti bilan soat 00.00da bo‘lib o‘tadi.
