O‘tgan yakshanba kuni Afinada derbi bo‘lib o‘tdi. AYEK o‘z maydonida "Panatinaikos"ni qabul qildi va uchrashuv 0:0 natijasi bilan yakunlandi.
Stadionga yig‘ilgan har ikki jamoa muxlislari har doimgidek shunday o‘yinga munosib shovqin tashkil qilish uchun juda ko‘p harakat qilishdi. Biroq hayratlanarli voqea yuz berdi - AYEK muxlisi shohsupadan yiqilib, ancha balanddan qulab tushdi. Oradan uch kun o‘tgan bo‘lishiga qaramay, uning ahvoli haqida hozircha rasmiy ma’lumot yo‘q.
"Panatinaikos" Gresiya chempionati turnir jadvalida uchinchi, AYEK esa beshinchi o‘rinda bormoqda.
