"Roma" bosh murabbiyi Joze Mourinyo "Tottenxem"dagi faoliyatini esladi. Portugaliyalik mutaxassis "shporlar" rahbariyati unga chiqish eshiklarini ko‘rsatganida bu uning uchun juda yoqimsiz bo‘lganini tan oldi.
“Hozir men hayotim va faoliyatimga bosim yo‘q bosqichdaman. Ha, “Tottenxem”dan haydab yuborishgani juda yoqimsiz bo‘ldi, ammo hozir men bunga hazil bilan munosabat bildiraman.
Umid qilamanki, meni “Roma”dan haydab yuborishmaydi. Bunday holat ko‘pchilik murabbiylarda uchraydi. Bu borada meni o‘zgacha deyish qiyin.
"Tottenxem"da yaxshi odamlar ishlaydi. Ularga muvaffaqiyatlar tilayman. Hatto janob Leviga (Daniel Levi - "Tottenxem" prezidenti, - muallif) ham omad tilayman. "Tottenxem"dan chetlatilganim meni Rimga olib keldi, men bu yerda bo‘lganimdan va "Roma"da ishlayotganimdan xursandman", - dedi Joze Mourinyo.
