O‘zPFL rasmiy telegram-kanali Superliga 8-turidan so‘ng ayrim faktlar bilan o‘rtoqlashdi.

— Superliganing ortda qolgan 8-turi joriy mavsumdagi eng sermahsuli bo‘ldi: 7 uchrashuvda darvozalarga jami 18 ta gol kiritildi. Bundan oldingi rekord 6-turda qayd etilgan edi — 16 gol.

— Ushbu turda mezbonlar g‘alaba qozona olmadi: 3 durang va 4 mag‘lubiyat.

— Tur doirasidan o‘rin olgan 7 bellashuvning to‘rttasida gollar 90+ daqiqada kiritildi. Ulardan 3 tasi qo‘shimcha daqiqada gol kiritgan jamoaga ochko keltirdi (“Dinamo” — “Navbahor”, “Lokomotiv” — “Qo‘qon-1912”, “Paxtakor” — “Surxon”).

— Oybek Bozorov (“Nasaf”) va Oliver Sharkich (“Paxtakor”) joriy mavsumda birinchi bor dublga erishdi.

— 8-tur bahslarida jami 3 ta qizil va 43 bor sariq kartochka ko‘rsatildi. Shulardan 4 tasi (sariq kartochka) jamoalarning rasmiy shaxslariga ko‘rsatildi.