"PSJ" darvozaboni Janluiji Donnarumma Keylor Navas bilan bo‘lgan raqobat haqida fikr bildirdi.

“Men “PSJ”da qolmoqchiman. Bu oson mavsum bo‘lmadi, mavsumning faqat yarmida maydonga tushdim va o‘z kuchimni ko‘rsata olmadim.

Kelasi mavsumda Keylor Navas bilan raqobat bo‘lmaydi. Klub o‘z tanlovini qiladi», - dedi Donnarumma AFP bilan suhbatda.

Joriy mavsumda 23 yoshli italiyalik Parij klubi safida barcha turnirlar doirasida 23 ta o‘yin o‘tkazib, o‘z darvozasidan 23 ta gol o‘tkazib yubordi va 8 marta o‘z darvozasi dahlsizligini saqlab qoldi.

Navas 25 ta o‘yin o‘tkazib, 24 ta gol o‘tkazib yuborgan va 9 marta o‘z darvozasi daxlsizligini saqlab qolgan. 34 yoshli kosta-rikalik futbolchining shartnomasi 2024 yilgacha mo‘ljallangan.