Markus Reshford "Manchester Yunayted"da qolmoqchi, lekin shu bilan birga, asosiy tarkibda o‘ynash kafolati ham kerak ekan. Bu haqida yangi murabbiy Ten Xag bilan suhbatlashishni niyat qilgan. Hujumchi uchun bu muhim faktor, zero Qatarda bo‘lib o‘tadigan jahon chempionatida terma jamoa ro‘yxatidan tushib qolishni hech kim istamaydi.

Bir qaraganda tushunarli xohish, ammo terma jamoa tarkibiga kirish uchun asosiy tarkib kafolati emas, yuqori sport formasi kerak, buniyam unutmaslik lozim.

Reshford o‘ziga imkoniyat berilgan o‘yinlarda yaxshi o‘yin ko‘rsatsa, shundoq ham asosiy tarkibga kiradi yoki Mourinyo davridagi kabi, zaxira variant bo‘lib turib ham terma jamoaga chaqirilaveradi.

Agar shunchaki, asosiy tarkib kafolati tufayli klub almashtirsa, hamma o‘yinda asosiyda bo‘laverishi mumkin, xuddi Sulsher davridagi kabi, ammo terma jamoa safida faqat oxirgi daqiqalarda, penaltini urolmaslik uchun maydonga tushadi xolos.

Qahramon Aslanov.