"Manchester Yunayted" hujumchisi Krishtianu Ronaldu o‘zining kelajagi haqida hali bir qarorga kelgani yo‘q.
“Qizil iblislar” Chempionlar ligasining navbatdagi mavsumida o‘ynamaydi, bu esa portugaliyalik yulduzni klubda saqlab qolish imkoniyatini pasaytiradi. Ronalduning "Manchester Yunayted" bilan shartnomasi 2023 yilning yoziga qadar mo‘ljallangan, biroq 37 yoshli hujumchi faoliyatini qayerda davom ettirishi haqida hali bir qarorga kelmagan va yaqin oylarda boshqa jamoaga o‘tishi mumkin. Bu haqda insayder Nikolo Skira xabar bermoqda.
Krishtianu Ronaldu "Manchester Yunayted"ga qaytganidan beri barcha musobaqalarda 38ta o‘yinda maydonga tushib, 24ta gol urdi.
