"Манчестер Юнайтед" ҳужумчиси Криштиану Роналду ўзининг келажаги ҳақида ҳали бир қарорга келгани йўқ.
“Қизил иблислар” Чемпионлар лигасининг навбатдаги мавсумида ўйнамайди, бу эса португалиялик юлдузни клубда сақлаб қолиш имкониятини пасайтиради. Роналдунинг "Манчестер Юнайтед" билан шартномаси 2023 йилнинг ёзига қадар мўлжалланган, бироқ 37 ёшли ҳужумчи фаолиятини қаерда давом эттириши ҳақида ҳали бир қарорга келмаган ва яқин ойларда бошқа жамоага ўтиши мумкин. Бу ҳақда инсайдер Николо Скира хабар бермоқда.
Криштиану Роналду "Манчестер Юнайтед"га қайтганидан бери барча мусобақаларда 38та ўйинда майдонга тушиб, 24та гол урди.
