"Manchester Yunayted"ning sobiq futbolchisi Klebersonning fikricha, klub mavsum davomida Ole-Gunnar Sulsherni iste’foga chiqarib xato qilgan.
Eslatib o‘tamiz, norvegiyalik mutaxassis noyabr oyida ishdan bo‘shatilib, uning o‘rnini Ralf Rangnik egallagan edi.
"Muxlislarga Sulsherning o‘yin uslubi yoqmadi. Ammo Rangnikning kelishi emas, Sulsherning bo‘shatilishi noto‘g‘ri qaror edi. Rangnikda pressing va jamoaviy harakatning qat’iy modeli bor, u yosh futbolchilarni ham taklif qilishni maqsad qilgan. “Manchester Yunayted” futbolchilari yangi talablarga tez moslashishlari qiyin edi. Sulsherni ishdan bo‘shatib, uning o‘rniga mutlaqo boshqacha ish uslubiga ega odamni taklif qilish xato bo‘ldi. Bu natijalarga ta’sir qildi, - dedi braziliyalik sobiq futbolchi Kleberson Daily Star bilan suhbatda.
