Dushanbeda OFK Ijroqo‘mi yig‘ilishi o‘tkazildi. Aniqrog‘i, yig‘ilish asosan onlayn tarzda bo‘lib o‘tdi.
Dushanbega esa OFK prezidenti shayx Salmon bin Xalifa, Ijroqo‘mning ayrim a’zolari, shuningdek, tashkilot bosh kotibi Vindzor Jon tashrif buyurishdi. Asosiy qarorlardan biri sifatida milliy assosiasiyalarga yordam beradigan yangi Extra-time va Advantage dasturlarining tasdiqlanganini ta’kidlash o‘rinli.
Bundan tashqari, BAA futzal bo‘yicha Klublar o‘rtasidagi Osiyo chempionati-2022ni o‘tkazmasliigini bildirgani sababli, futzal qo‘mitasining turnirni bekor qilish bo‘yicha qarori ratifikasiya qilindi.
Va nihoyat, 2023 yilning 1-2 fevral kunlari Bahraynda OFKning 33-Kongressini o‘tkazish bo‘yicha qaror chiqarildi. Rejaga ko‘ra, aynan shu Kongressda Osiyo kubogi-2027 mezboni aniqlanadi. Osiyo kubogi-2023 final turniri qur’asi ushbu Kongressdan keyinga belgilangani ham qiziq fakt.
Alisher NIKIMBAYEV, «Futbolium»