“Barselona” Ispaniya chempionatini ikkinchi o‘rinda yakunlaydigan bo‘ldi.
La Liganing 37-turida kataloniyaliklar “Xetafe” bilan safarda durang o‘ynadi (0:0), “Atletiko” esa “Sevilya” bilan ochkolarni bo‘lishib oldi - 1:1. «Ko‘k-anorranglilar» 73 ochko jamg‘arib, "matraschilar"ni ortda qoldirdi.
Mavsum davomida “Barselona” murabbiyini almashtirdi: 2021 yilning 6 noyabr kuni ishdan bo‘shatilgan Ronald Kuman o‘rniga Xavi keldi. O‘shanda jamoa 11 uchrashuvda 16 ochko jamg‘arib, La Liga jadvalida 9-o‘rinni egallab turgandi.
