Insayder Fabrisio Romano Maykl Olisening «Bavariya»dan Madridning «Real» klubiga o‘tishi mumkinligi haqidagi xabarlarga izoh berdi.
Mish-mishlarga ishonilsa, fransiyalik futbolchi joriy transfer oynasidayoq Ispaniya klubiga o‘tishni istaydi. Romanoning ma’lumotlariga ko‘ra, transfer faqatgina Olise «Bavariya» rahbariyatiga to‘g‘ridan-to‘g‘ri murojaat qilib, uni «Real»ga sotishlarini so‘ragan taqdirdagina amalga oshishi mumkin, hozircha esa bunday holat yuz bermadi. Shunga qaramay, vaziyat kelasi haftadayoq o‘zgarishi mumkin. «Qirollik klubi» futbolchidan rozilik olganidan so‘ng darhol rasmiy taklif bilan chiqadi.
Maykl Olisening bozor qiymati Transfermarkt portali tomonidan 150 million yevroga baholanmoqda. 24 yoshli futbolchining amaldagi shartnomasi 2029 yilgacha mo‘ljallangan.
