Madridning “Real” klubi “PSJ” hujumchisi Kilian Mbappe bilan shaxsiy shartnoma shartlarini kelishib oldi, deb xabar beradi The Athletic.
Manbaning xabar berishicha, hujumchi hali La Liga chempioni bilan shartnoma imzolagani yo‘q va fransuz klubi 23 yoshli futbolchini fikrini o‘zgartirishga ko‘ndirmoqchi.
Oldinroq Marca nashri "Real" Mbappe transferi bo‘yicha kelishuvni yopgani haqida xabar bergan edi.
8 may kuni “Qirollik klubi” fransuz futbolchisiga 180 million yevrolik imzo bonusi bilan soliqlardan keyin yiliga 40 million yevrolik maoshli shartnoma taklif qilgani xabar qilingandi. U besh yilga amal qilishi kutilmoqda.
2021/22-yilgi mavsumda Mbappe “PSJ” safida 45 ta o‘yinda maydonga tushib, 36 ta gol urdi va 26 ta golli uzatmani amalga oshirdi. Hujumchining parijliklar bilan shartnomasi 2022 yilning iyun oyi oxirigacha amal qiladi.
