Jurnalist Nikolo Skiraning xabar berishicha, "Tottenxem" jamoasida ijara asosida o‘ynayotgan "Atalanta" darvozaboni Pyerluidji Gollini Italiyaga qaytadi.

Manbaga ko‘ra, "shporlar" darvozabonni 15 million yevroga sotib olish huquqidan foydalanmaslikka qaror qilgan.

Gollini London klubiga 2021 yilning yozida kelib qo‘shilgan edi. "Shporlar" uni 35 yoshli jamoa sardori Ugo Lyoris o‘rniga o‘rinbosar sifatida ko‘rishgandi, ammo tajribali darvozabon yosh posbonni zaxira o‘rindig‘iga o‘tkazib qo‘ydi.

Joriy mavsumda 27 yoshli italiyalik darvozabon klubi safida barcha turnirlar doirasida 10 ta o‘yin o‘tkazib, o‘z darvozasidan 11 ta gol o‘tkazib yubordi va ikki marta o‘z darvozasi dahlsizligini saqlab qoldi.