Журналист Николо Скиранинг хабар беришича, "Тоттенхэм" жамоасида ижара асосида ўйнаётган "Аталанта" дарвозабони Пьерлуиджи Голлини Италияга қайтади.

Манбага кўра, "шпорлар" дарвозабонни 15 миллион еврога сотиб олиш ҳуқуқидан фойдаланмасликка қарор қилган.

Голлини Лондон клубига 2021 йилнинг ёзида келиб қўшилган эди. "Шпорлар" уни 35 ёшли жамоа сардори Уго Льорис ўрнига ўринбосар сифатида кўришганди, аммо тажрибали дарвозабон ёш посбонни захира ўриндиғига ўтказиб қўйди.

Жорий мавсумда 27 ёшли италиялик дарвозабон клуби сафида барча турнирлар доирасида 10 та ўйин ўтказиб, ўз дарвозасидан 11 та гол ўтказиб юборди ва икки марта ўз дарвозаси даҳлсизлигини сақлаб қолди.